2020 संपत आलं आहे. इतिहासातील सर्वात दुर्दैवी वर्ष म्हणता येईल अशा घटना या एका वर्षांत घडल्या आहेत. पण काही चांगल्या गोष्टीही घडल्या आहेत हेही विसरून चालणार नाही. काही निवडक लोकांनी आपल्या कामाने हे वर्ष सुसह्य केलंय.
टाईम मॅगझिन अशाच भन्नाट लोकांना आपल्या कव्हरवर स्थान देत असते. अनेकदा असे होते की टाईमच्या कव्हरवर फोटो छापून आल्यावर आपल्याच देशाच्या लोकांची माहिती आपल्याला होते.यंदाही असाच एक अनोळखी चेहरा टाईम्सच्या कव्हर वर आहे. १५ वर्षीय गीतांजली राव या भारतीय- अमेरिकन मुलीने टाइम्सच्या कव्हरवर स्थान मिळवले आहे. हॉलिवूड सुपरस्टार अँजेलीना जोलीने तिची मुलाखत घेतली आहे.
