तुम्ही जर थरारक खेळांचे चाहते असाल तर तुमच्यासाठी एक चांगली माहिती घेऊन आलोय. अनेकजण थ्रिल अनुभवण्यासाठी अम्युजमेंट पार्कला जात असतात. उंचच उंच जाणाऱ्या राईड, गोल फिरवणाऱ्या राईड तर काही खूप वेगाने वर खाली जाणाऱ्या राईड तुम्ही अनुभवल्याच असतील. लवकरच याही पुढे जाऊन जगातल्या सगळ्यात वेगवान आणि उंच रोलरकोस्टरचा थरार अनुभवता येणार आहे.
सौदी अरेबियामधील सिक्स फ्लॅग्स किद्दिया येथे हा जगातला सगळ्यात वेगवान, उंच आणि सर्वात लांब रोलरकोस्टर तयार होत आहे. आतापर्यंतचे सर्व रेकॉर्ड हे रोलर कोस्टर मोडेल असा दावा करण्यात येतोय. मध्य पूर्वेत हे रोलर कोस्टर बनत असून लवकरच सर्वांसाठी उघडण्यात येईल. याचे नाव फाल्कन फ्लाईट असे आहे.
