५७०० वर्षापूर्वीच्या च्युईंगमच्या आधारे त्याला खाणाऱ्या व्यक्तीचा शोध कसा लागला ?

अनुवांशिक आराखड्याला जीनोम म्हणतात. यात डीएनएची संरचना, त्यांचे स्थान, प्रकार, जाळे, क्रम, कार्य, विकृती इत्यादी गोष्टींचा समावेश असतो. ज्या च्युईंगमबद्दल आम्ही बोलत आहोत त्या च्युईंगमवर मिळालेला जीनोम हा एका मुलीचा असल्याचं परीक्षणात सिद्ध झालं आहे.

ही मुलगी पश्चिम युरोपातील शिकाऱ्यांच्या जमातीतील असावी असा निष्कर्ष काढण्यात आला आहे. तिचा रंग सावळा होता, केसांचा रंग काळा होता, तर डोळे निळे होते. तिने मारण्यापूर्वी बदक आणि हेझेल झाडाचं फळ खाल्लं असावं असं या संशोधनात दिसून आलं आहे. दुसरी महत्त्वाची माहिती म्हणजे तिला दातांचा पीरियडॉन्टल आजार असावा. तसेच ती मोनोन्यूक्लिओसिस आजाराने ग्रस्त असावी.

तिचं वय किती होतं याबद्दल अजून ठोस माहिती मिळालेली नसावी, पण ती तरुण असावी असा एक तर्क आहे. शास्त्रज्ञांनी तिला लोला नाव दिलंय.

तिच्या एकूण माहितीवरून ती काहीशी अशी दिसत असावी.

मंडळी, इतिहासात पहिल्यांदाच ५७०० वर्षापूर्वीच्या एका लहानशा च्युईंगममधून एवढी मोठी माहिती मिळाली आहे. हे कोणत्याही चमत्कारापेक्षा कमी नाही.