दूरच्या प्रवासावर निघणाऱ्या लोकांसाठी सर्वात मोठी समस्या म्हणजे रस्त्यात पुरेशा अंतरावर टॉयलेट नसणे. टॉयलेटच नसते मग ते स्वच्छ किंवा अस्वच्छचा प्रश्नच येत नाही. प्रवासात तर कित्येक किलोमीटर गाडी चालवल्यावर एखाद्या ठिकाणी टॉयलेट दिसते. रेल्वेत प्रवास करणाऱ्यांना ही समस्या येत नाही. मात्र इतर वाहनांना हा मोठा त्रास आहे.
या समस्येवर उपाय सापडला आहे. फोटोत दिसणाऱ्या महिंद्रा बोलेरोत चक्क मागच्या बाजूला टॉयलेट तयार करण्यात आलं आहे. मात्र हा बदल काही महिंद्राने घडवून आणलेला नाही. ओजस ऑटोमोबाईल्स यांनी हा बदल केला आहे. या ओजस ऑटोमोबाईल्सने याआधी मल्याळम सिनेअभिनेते मामुट्टी आणि पृथ्वीराज यांच्या ताफ्यासाठी काम केले आहे.
