मंडळी, एक काळ असा होता जेव्हा बॉलिवूड सिनेमा म्हंटलं की जबरदस्त मारधाड, ऍक्शन सीन्स आणि उत्तान दृश्ये यांच्याशिवाय सिनेमा पूर्णच होत नसे. त्याच सुमारास भारतात केबलचे जाळे सुद्धा पसरत होते. पायरसी नावाचा प्रकार मूळ पकडू लागला होता व फॅमिलीसह थिएटरला जाऊन सिनेमा बघणे ही संकल्पना मागे पडत होती. एकंदरीतच निम्म्या प्रेक्षकवर्गाने थिएटर्सकडे पाठ फिरवल्याचे चित्र दिसत होते. तो काळ होता आजपासून पंचवीस वर्षांपूर्वीचा
… आणि अश्यातच 1994 साली आजच्याच दिवशी म्हणजे 5 ऑगस्टला एक सिनेमा प्रदर्शित झाला आणि त्याने अवघ्या बॉलिवूडचा इतिहासच बदलून टाकला! इतकंच नव्हे तर लोकप्रियतेचे नवनवे उच्चांक प्रस्थापित केले, थिएटर्स व पर्यायाने बॉलिवूडला परत झळाळी प्राप्त करून दिली. होय, तुम्ही बरोबर ओळखलंत… आम्ही बोलतोय मोस्ट रोमँटिक स्टोरी, जबरदस्त कौटुंबिक मनोरंजन आणि भावभावनांचे परफेक्ट मिश्रण असणाऱ्या सिनेमाबाबत… 'हम आपके है कौन...!'
