डोकेदुखी थांबवायचे ७ नैसर्गिक उपाय....औषध घेण्यापूर्वी हे करून बघा भाऊ !!

कॅफेन हा अन्नपदार्थांमध्ये आढळणारा घटक आहे. आपल्या रोजच्या चहा आणि कॉफी मध्ये कॅफेन आढळतो. कॅफेनमुळे मेंदूची मरगळ झटकली जाते आणि आपल्याला ताजतवानं वाटत. म्हणून तर आपल्याला चहा आणि कॉफीचं व्यसन लागतं. डोकेदुखीचा त्रास होत असेल तर कॅफेन तुमचा त्रास कमी करायला मदत करू शकतो. डोकेदुखी असेल तर चहा किंवा कॉफी ब्रेक हा उत्तम उपाय आहे.

अपुरी झोप म्हणजे समस्यांना आमंत्रण असतं. डोकेदुखी पण त्यापैकीच एक. ६ तासांपेक्षा कमी वेळ झोपणाऱ्या व्यक्तींना डोकेदुखीचा सर्वाधिक त्रास होतो. पण याचा अर्थ जास्त झोपल्याने सगळ्या समस्या दूर होतात असंही नाही बरं. जास्त झोप घेतल्यानेही डोकेदुखी होऊ शकते. म्हणून प्रमाणात झोप घ्या.

शरीरातील पाण्याची पातळी कमी झाल्यास डोकेदुखीचा त्रास होऊ शकतो. दिवसभरात भरपूर पाणी प्या. भरपूर पाणी प्यायल्याने शरीराला इतरही फायदे होतात. पाण्याचे घटक जास्त असलेले अन्नपदार्थ खाल्ल्यानेही फायदा होतो.

कानशिलाजवळ तेलाने हलका मसाज केल्यास डोकेदुखी थांबू शकते. यासाठी साधं खोबरेल तेलही वापरता येऊ शकतं.

डोके दुखीचा त्रास सुरु झाल्यास सर्वात आधी कम्प्युटर, मोबाईल पासून ब्रेक घ्या. तुमच्या रूम मधल्या लाईट्स ऑफ केल्यास आणखी फायदा होऊ शकतो.

शास्त्रज्ञांनी कम्प्युटर, मोबाईलच्या ब्राईटनेस संदर्भात काही नियम घालून दिले आहेत. ६०० लुमिन्स पेक्षा जास्त ब्राईटनेस डोळ्यांना त्रासदायक ठरू शकतो.

संशोधनात असं आढळून आलंय की डोक्याच्या ज्या भागात त्रास होत आहे त्या भागावर बर्फाची पिशवी ठेवल्यास त्रास कामी होती. जर ताणतणावामुळे डोकं दुखत असेल तर अशावेळी उबदार टॉवेलने डोक्याला शेक दिल्यास डोकेदुखी कमी होते. या दोन्ही उपायांमुळे स्नायूंना आराम मिळतो.

आता तुम्ही म्हणाल डोकेदुखी आणि व्यायामाचा काय संबंध ? संबंध आहे भाऊ. शरीराची कमीतकमी हालचाल होत असेल तर डोकेदुखीचा त्रास होऊ शकतो. त्यासाठी नियमित व्यायामाची सवय लावा.

तर मंडळी, पुढच्यावेळी जेव्हा डोकेदुखीचा त्रास होईल तेव्हा आधी हे उपाय करून बघा आणि मग औषध घ्या !!