वजन कमी करायचं आहे ? मग हे धान्य तुमची इच्छा लगेच पूर्ण करेल !!

जवस हे प्रथिनयुक्त असतं. कोणकोणती प्रथिने ? तर, अमीनो ऍसिड आर्जिनिन, ऍस्पॉर्टरिक आणि ग्लूटामिक. ही प्रथिने २ महत्वाच्या भूमिका बजावतात. पहिली गोष्ट म्हणजे तुमचं वजन सहजगत्या आटोक्यात येतं. दुसरा मुद्दा असा, की या प्रथिनांनी ‘भूक कमी करणाऱ्या’ हार्मोन्सचा स्तर वाढतो. तुमची भूक आटोक्यात आली की वजन कमी व्हायला कितीसा वेळ लागेल भाऊ !!

जवसामध्ये असलेल्या काही विशिष्ट फायबर्समुळे रक्तातील कॉलेस्ट्रॉलचं प्रमाण कमी होतं, तुमच्या रक्तातील साखरेचं प्रमाण आटोक्यात राहतं आणि प्रथिने जी कामगिरी बजावतात तीच फायबर्सही बजावतात – तुमची भूक आटोक्यात येते !! फायबर्सच्या विघटनाला वेळ लागतो त्यामुळे होतं असं, की आपल्याला पोट भरलेलं आहे असा भास होतो.

वजन कमी करताना मेदयुक्त पदार्थ म्हणजे ज्यामुळे चरबीत वाढ होते अशा पदार्थांना कायमचं टाळलं पाहिजे असा एक समज आहे, पण मेद हा घटक तुमच्या आरोग्यासाठी अत्यावश्यक असतो. जवसामध्ये ५८% असलेले 'ओमेगा-३' हे मेदाम्ल तुमच्या वजनात भर घालत नाही, तर उलट वजन वाढवणाऱ्या ‘ट्रायग्लिसरायड्स’ या मेदाचं प्रमाण कमी करतं.

जवस हे धान्य असल्याने ते भिजत ठेवून मोड आलेले जवस खाणे उत्तम. आपल्याकडे फार पूर्वीपासून जवसाच्या पिठाची चटणी केली जाते. (विदर्भात जवसाचे तेलही वापरतात) अशा प्रकारे जवस दळून खाता येऊ शकतं. याशिवाय सलाड, दही, ओट्स सोबत जवस खाल्ल्यास आरोग्यास फायदा होतो.

तर मंडळी, अशाप्रकारे जवस सारख्या धान्याने तुमचं वजन आटोक्यात येऊ शकतं. वजन कमी करण्याची गरज असलेल्या आपल्या मित्रांना tag करायला विसरू नका !!