कोड म्हणजे ‘व्हिटीलोगो’ हा एक त्वचेचा विकार आहे. कोड आल्यावर शरीरावर पांढरे डाग उठतात. हे डाग संसर्गजन्य नसतात. एका व्यक्तीकडून दुसऱ्या व्यक्तीकडे ते संक्रमित होत नाहीत. असं असलं तरी या एका विकाराने अनेक मुलींचे आयुष्य संपून जातं. त्यांचं लग्न होत नाही. लग्नानंतर कोड आले तर घटस्फोट होतो. लग्न ठरवताना मुलीला कोड आहेत का हे तपासलं जातं.
आज कोडाबद्दल सांगण्यामागचं कारण म्हणजे संरक्षण संशोधन आणि विकास संस्थाने (DRDO) नुकतंच कोडावर औषध शोधून काढलं आहे. या औषधाने कोडग्रस्त असलेल्या अनेकांना फायदा होईल. त्यानिमित्ताने बोभाटा तुम्हाला कोडाविषयी सगळी माहिती सांगणार आहे.
