आज कालबाह्य ठरलेल्या पण जुन्या काळातल्या महत्त्वाच्या १५ गोष्टी!!

जेव्हा युट्युब नव्हते, ना गाणी ऐकायला कुठले स्पॉटीफाय होते, अशा वेळी आपल्याला आधार दिला तो ऑडिओ कॅसेट्सने. प्रत्येकाच्या घरात या कॅसेट्स सापडत असत.

सध्या वेगवेगळ्या प्रकारचे आधुनिक स्टोव्ह मार्केटमध्ये आले आहेत. पण एकेकाळी असा देखील स्टोव्ह होता ज्याचा कधी स्फोट होईल याचा काही नेम नसायचा. 

भडका उडून स्त्रियांना पेटवणाऱ्या स्टोव्हने भारतात आणखी काय करामती घडवल्या माहित आहेत?

वेगवेगळ्या रंगसंगती असणाऱ्या बल्बच्या जमान्यात उजेड कमी आणि बिल जास्त देणाऱ्या बल्बची पण आठवण येत असते.

खेडेगाव असो की मोठे शहर अनेक ठिकाणी ठेवलेल्या पत्रपेट्या सध्या दिसत नाहीत. क्वचित दिसल्याच तर गंजून गेलेल्या अवस्थेतल्या दिसतात. या पत्रपेट्यांना बघून जुने दिवस आठवल्याशिवाय राहत नाही.

या प्रकारचा स्विच हा लहानपणी खेळायला अनेकांना आवडायचा. तसेच हा स्वीच एखादी वस्तू टांगण्यासाठीही उपयोगात येत असे.

सध्याच्या ऑनलाईन शिक्षणाच्या जमान्यात पुस्तके कमी दिसतात तिथे कव्हरची काय बात! पण एकेकाळी शाळा सुरू झाल्यावर खाकी रंगाचे कव्हर घालणे हा नियम होता.

सध्याच्या फ्री कॉलिंगच्या जमान्यात आणि मोबाईल घेऊन हिंडण्याच्या काळात एकाच जागी तासंतास उभे राहून लँडलाईन वरून बोलण्याचा संघर्ष किती मोठा होता हे वेगळे सांगण्याची गरज नाही.

आजकाल दिवसाला शेकडो सेल्फी काढून देखील समाधान होत नाही, पण पूर्वी या रोलवाल्या कॅमेऱ्याने एखादा फोटो काढला तरी माणूस ढगात उडत असे.

केबल आणि डिटूएच पिढीला अँटेना फिरवून फिरवून टीव्ही पाहण्याचा आनंद सांगण्याची गरज आहे. 

आता मुले वयात आल्याबरोबर स्पोर्ट बाईकचा आग्रह धरतात. पण एकेकाळी ज्या घरात ऍटलास सायकल आली त्या घरात जग जिंकण्याचा आनंद असे.

लहान मुलांना खेळण्यासाठी आता गॅजेट्सची कमी नाही. पण एकेकाळी की बोर्डचा व्हिडीओ गेमवर तेच तेच गेम खेळून देखील मुले थकत नसत.

मोबाईल नसलेल्या काळात कॉमिक बुक्सनी पिढ्या घडवल्या होत्या. मराठीतील चंपक आणि ठकठक तुम्हालाही आठवत असतील

हा पेन ज्याच्याकडे असे तो एकदम साहेब समजला जायचा. हात खराब होऊन देखील शाईचा पेन वापरण्याची मजा काही औरच होती.

सचिन, गांगुली, द्रविड यांचे स्टिकर भिंतीवर आणि वह्यांवर नसतील तर तुम्ही मॉडर्न नाहीच असे समजण्याचा तो काळ होता.

सध्या विविध फॅशनचे डोरमॅट इंदैनाले असले तरी स्वागतम लिहिलेले डोरमॅटची फॅशन वेगळीच होती.

तर या होत्या काही नॉस्टॅलजीक गोष्टी!! तुम्हाला देखील अशा अजून काही गोष्टी आठवत असतील तर आम्हाला कॉमेंटबॉक्समध्ये नक्की कळवा.