एलॉन मस्क नावाचे प्रसिद्ध गृहस्थ सध्याच्या काळात परिस आहेत असे म्हणावे लागेल. ते ज्या गोष्टीला हात लावतात त्याला सोन्याचा भाव येतो. त्यांनी उभ्या केलेल्या कंपन्या आणि इतरही गोष्टी बघितल्या तर यात जराही अतिशयोक्ती नाही याचा अंदाज येतो. त्यांनी केलेल्या एकेका ट्विट्समुळे अनेकांचे पडलेले दिवस सुधारले, तर सुधारलेले दिवस पडल्याची उदाहरणे आहेत.
क्रिप्टोकरन्सी हा विषय तसा आधीपासून जगात प्रसिद्ध होत आहे. त्यात मस्करावांनी डॉगकॉइनच्या माध्यमातून उडी घेतल्याने या विषयाला आणखीन प्रसिद्धी मिळाली. आतातर मस्क यांची कंपनी स्पेसएक्सचे आगामी मंगळ मिशन हे डॉगकॉइन फंडेड असेल अशा बातम्या येत आहेत. अशा सर्व पार्श्वभूमीवर आमच्या वाचकांना या डॉगकॉईनचा संपूर्ण परिचय करून देत आहोत.
