सीट-बेल्टचं चिन्ह वापरून तुमच्या नकळत पाठवले जातात ३ गुप्त संदेश!!

उड्डाणाच्यावेळी सर्वात आधी प्रवाशांना सीट-बेल्ट घालण्याच्या सूचना मिळतात. अशीच सूचना कर्मचाऱ्यांनाही मिळते. त्यासाठी दोनवेळा ‘डिंग’ असा आवाज येतो आणि त्यानंतर सीट-बेल्टचं चिन्ह चमकतं. याचा अर्थ आता कर्मचाऱ्यांनाही आपापल्या सीट वर जाऊन बसण्याची व सीट-बेल्ट घालण्याची गरज आहे.

उड्डाणाच्यावेळी जसा दोनदा ‘डिंग’ असा आवाज येतो तसाच लँडिंगच्यावेळी पण येतो. एका विमान कर्मचाऱ्याने सांगितल्याप्रमाणे कर्मचाऱ्यांना आपल्या सीटवर बसण्याची ही शेवटची सूचना असते.

विमान लँड झाल्यानंतर जेव्हा तुम्हाला सीट-बेल्ट न काढण्याची सूचना दिली जात असते, तेव्हा सीट-बेल्टचं चिन्ह अचानक बंद होतं. याचा अर्थ असा होतो की विमान सुरक्षितपणे उतरलेलं आहे. हे केवळ कर्मचाऱ्यांना समजण्यासाठी. प्रवाशांना मात्र त्यावेळीही जागेवरून उठण्याची मुभा नसते, कारण विमान त्याक्षणीही कोणत्याही कारणास्तव हलू शकतं. 

तर मंडळी, पुढच्यावेळी विमान प्रवास कराल तेव्हा या गुप्त सूचनांवर नक्की लक्ष ठेवा.