प्रतिभेला परिश्रमाची जोड मिळाली की आयुष्यात येणाऱ्या कोणत्याही संकटाला माणूस सहज समोरा जाऊ शकतो. अशी अनेक उदाहरणं आपल्याला बघायला मिळतात. नशिबाच्या एका फटक्याने सर्वस्व नाहीसे झालेले लोक आपल्या जिद्दीने नशिबावरच मात करतात. पौराणिक कथेतली राखेतून भरारी घेणाऱ्या फिनिक्स पक्षाचे उदाहरण आपण नेहमीच ऐकतो. अशीच एक कथा आम्ही तुमच्यासमोर मांडणार आहोत.
या बहाद्दराचे सर्वस्व एका रात्रीत आगीने जाळून टाकले, पण हा पठ्ठ्या केवळ पुन्हा उभा राहिलाच असे नाही तर त्याने मुलांच्या खेळण्यांची अजरामर कंपनी तयार केली. या कंपनीचं नाव “लेगो”.
