जुलै महिना लवकरच संपणार आहे. ऑगस्टपासून अनेक नवीन बदल होत आहेत. यात बँकांशी संबंधित काही नवीन बदलांचा अंतर्भाव आहे. ग्राहकांना काही नियमांमुळे मदत होते, तर काही नियम खिशाला कात्री बसणारे असतात. सर्वात मोठा बदल हा तुमच्या पगाराशी, निवृत्तीवेतनाशी, ईएमआयशी संबंधित आहे. १ ऑगस्टपासून बँकिंगशी संबंधित काही नियम बदलत आहेत याची माहिती आपण घेऊयात. हे नियम आधीच माहीत असले म्हणजे काही अडचण होणार नाही.
१ ऑगस्टपासून एक स्वागतार्ह नियम बदलत आहे तो म्हणजे राष्ट्रीय स्वयंचलित क्लीयरिंग हाऊस (NACH) यंत्रणा सात दिवस चालू ठेवण्याचा निर्णय आरबीआयने घेतला आहे. त्यामुळे तुम्ही आपले बँकेतले बरेच व्यवहार रविवार आणि सरकारी सुट्टीच्या दिवशी देखील करु शकता. याशिवाय बदललेले नियम खालीलप्रमाणे आहेत.
