बोगीबील पुलानंतर आता आणखी एक पूल तयार होण्याच्या मार्गावर आहे. हा पूल बोगीबीलपेक्षा मोठ्या उंचीवर तयार होणार आहे राव. हा जगातला सर्वात उंचावरचा रेल्वे पूल असणार आहे. कुठे तयार होणार आहे हा पूल? चला जाणून घेऊ या....
पुलाचं नाव आहे ‘चिनाब ब्रिज’. हुशार बोभाटावाचकांनी चिनाब नावावरून ओळखलंच असेल हा पूल कुठे असेल ते. तर, काश्मीरच्या चिनाब नदीवर तब्बल ३५९ मीटरवर(जवळजवळ ११७७ फुट) हा रेल्वे पूल बांधण्यात येणार आहे. म्हणजे किती मोठ्या उंचीवर? तर, आयफेल टॉवरपेक्षा ३५ मीटर जास्त उंचीवर. या पुलामुळे काश्मीरच्या खोऱ्यांना उधमपूर-श्रीनगर-बारामुल्ला रेल्वे लाईन्सशी जोडण्यात येईल. पुलाच्या दोन्ही बाजूंना रेल्वे स्टेशन्स बांधण्यात येणार आहेत. हा रेल्वेपूल कसा दिसेल याची एक झलक बघा.
