धन हवे उद्यासाठी । पुण्य भावी जन्मासाठी ||
याचसाठी हे सांगणं । थोडे पुण्य थोडे धन ||
नित्य करा साठवण । धन हवे उद्यासाठी ||
बर्याच वर्षांपूर्वी बँक ऑफ महाराष्ट्रने प्रायोजित केलेल्या एका कार्यक्रमाचे हे शीर्षकगीत होते. हे शीर्षकगीत नंतर विस्मृतीत गेले. पण त्यात मांडलेल्या विचारांचे महत्व आजही कमी झालेले नाही. प्रत्येकाच्या आयुष्यात अर्थाजनाची वर्षे मर्यादित असतात. अर्थार्जनातून खर्च वजा जाता शिल्लक राहिलीच, तर ती कशी जपायची आणि भविष्यात त्या शिलकीचा किती उपयोग होईल याचा अंदाज करणे कठीणच असते. अनेक वेगवेगळे विचार यासाठी मांडले जातात. त्यापैकी काही सहज वापरता येतील अशी सूत्रं आज बोभाटाच्या लेखात आपण वाचणार आहोत.
