पावसाळा संपला! आता आले दिवस दिवाळी आणि फूड फेस्टिव्हलचे! प्रत्येक छोट्या मोठया शहरात खाण्यापिण्याची धमाल मज्जा सुरू होईल. पण काही शहरांत वर्षाचे बारा महिने फूड फेस्टीव्हल असतो. त्यांपैकी एक म्हणजे इंदूर! होळकरांचं इंदूर! मराठेशाहीतील एक मोठं संस्थान म्हणजे इंदूर! इंदूर म्हणजे समृद्ध माळवा प्रांताचा एक भाग! पग पग रोटी - डग डग नीर म्हणजेच पावलोपावली पोटभर खाणं आणि खणू तिथे पाणी अशी ख्याती!
साहजिकच या भागात बारा महिने अन्न उत्सव असतो यात नवल ते का? चला, आज बोभाटाच्या या लेखातून फेरफटका मारू या इंदूरच्या सराफ्यात!
