भारताच्या डिजिटल क्रांतीत मुकेश अंबानी यांच्या रिलायन्सचा महत्त्वाचा वाटा आहे. जीओचे सिम आल्यापासून देशात झालेले बदल सर्वांनी पाहिले आहेत. आता पुन्हा मुकेश अंबानी नव्या ताकदीने नव्या गोष्टी घेऊन येत आहेत. जिओनंतर मुकेश अंबानी यांनी जिओ फोन बाजारात आणला होता. या छोट्या मोबाईलमध्ये व्हॉट्सॲप, युट्यूब सारख्या सुविधा होत्या.
आता मुकेश अंबानी जिओ फोन नेक्स्ट घेऊन येत आहेत. हा जगातला सर्वात स्वस्त स्मार्टफोन असेल असा दावा केला जात आहे. हा फोन गुगलसोबत मिळून तयार करण्यात आला आहे. येत्या १० सप्टेंबरला गणेश चतूर्थीचा मुहूर्त साधून हा फोन विक्रीस खुला केला जाणार आहे. रिलायन्सच्या वार्षिक सभेत ही घोषणा करण्यात आली. या सभेत गुगलचे सीईओ सुंदर पिचाई हे पण ऑनलाइन पद्धतीने सामील झाले होते.
