दुबई हे एक मोठं मार्केट आहे, शिवाय तिथल्या जमिनीखाली तेलाच्या विहिरी आहेत हे तर आपल्याला माहितीच आहे. पण दुबईत तेल मिळालं ते ५० वर्षापूर्वी. १९३० पर्यंत दुबईची पर्ल इंडस्ट्री म्हणजे दुबईच्या मोती व्यवसायावर दुबई उभी होती. दुबईच्या नशिबाने तिथे तेलाच्या विहिरी सापडल्या. मोतींचा व्यापार कमी झाला असला तरी तेलामुळे तिथल्या श्रीमंतीला धक्का लागला नाही. याला आणखी हातभार लागला तो तिथल्या पर्यटनामुळे.
मित्रांनो आज दुबईत पर्यटन आणि तेल या महत्वाच्या गोष्टींमुळे इतका पैसा खेळत आहे की ते एक वेगळं जग बनलंय. आज आम्ही या वेगळ्या जगाची एक सफर घडवणार आहोत. चला तर दुबईच्या शेखांची डोळे दिपवणारी शेखी पाहूया.
