कोरोना विषाणूचं संक्रमण आणि त्याबद्दल कोणत्याही प्रकारच्या माहितीसाठी आणि मदतसाठी सरकारतर्फे हेल्पलाईन्स नंबर जारी करण्यात आले आहेत. आपल्यातले काही महाभाग असे आहेत जे या नंबरवरही फोन करून टाइमपास करत असतात. एखाद्या महिलेचा नंबर असेल तर त्यांना J1 झालं का विचारण्याची कर्तबगारीही गाजवण्यात येत आहे.
उत्तर प्रदेशमध्येही काहीसं असंच घडताना दिसतंय. नुकतंच उत्तर प्रदेशमधल्या हेल्पलाईनवर एक फोन आला. फोनवर जो माणूस बोलत होता त्याने चक्क सामोसे आणि चटणी ऑर्डर केली. त्याने इथेच न थांबता तिथल्या अधिकाऱ्यांना शिवीगाळ केली. यानंतर जे घडलं तो अशा लोकांसाठी चांगलाच धडा ठरला आहे.
