रिलायंस जिओने दिवाळीच्या तोंडावर धक्का दिला आहे. आजवर जिओने अनेक सुखद धक्के दिले पण यावेळचा धक्का दुःखद ठरणार आहे. ग्राहकांना दुसऱ्या नेटवर्कवर आउटगोइंग कॉल करण्यासाठी आता पैसे मोजावे लागणार आहेत. त्यासाठी 6 पैसे प्रति मिनिट असा दर ठरविण्यात आला आहे. यासाठी जिओच्या ग्राहकांना इंटरकनेक्टेड युसेज चार्ज टॉप अप करावा लागणार आहे. जिओचे म्हणणे आहे की त्यांचे ग्राहक जेवढ्या किमतीचा टॉप अप करतील तेवढ्या किमतीचा फ्री डेटा त्यांना देण्यात येईल. यासोबत जिओचे फ्री इनकमिंग कॉल्स आणि इतर सुविधा जशाच्या तश्या सुरू राहतील.
कॉल टर्मिनेशन चार्ज संपविण्यासाठी ट्राय कडून पुरेसे पाऊल उचलण्यात न आल्याने जिओने ग्राहकांकडून आउटगोइंग कॉलसाठी 6 पैसे प्रति मिनिट एवढ्या दराने पैसे वसूल करायचे ठरवले आहे.
