काहीवेळा लहान मुलं देखील आपल्याला खूप काही शिकवून जातात. आजच्या बातमीतील ही मुलगी अख्ख्या जगाला जिद्दीचे नवीन धडे देत आहे.
काय घडलंय ?
फिलिपाईन्सची ११ वर्षांची रिया बुल्लोस हिने शाळेच्या धावण्याच्या स्पर्धेत ४०० मीटर, ८०० मीटर आणि १५०० मीटरच्या शर्यतींमध्ये सुवर्णपदक मिळवलं आहे. तिन्ही प्रकारांमध्ये सुवर्ण मिळवल्यावर ती एका जागी शांत बसून खेळ पाहत होती. तितक्यात एका व्यक्तीने तिचे पाय बघितले. तिच्या पायात शूज नव्हते. शूजच्या जागी तिने बँडेज गुंडाळला होता. त्यावर तिने हातानेच नाइकी कंपनीचा लोगो काढला होता. हा पाहा तिचा पाय.
