संपूर्ण पृथ्वीवर अशी कितीतरी ठिकाणे आहेत, जिथे गेल्यावर प्रत्यक्ष स्वर्ग पहिल्याचा अनुभव घेता येईल. पृथ्वीवर स्वर्ग सुखाची अनुभूती देणारे एक बेट म्हणजे, टुवलू. पॅसिफिक महासागरातील अनेक बेटांपैकी असलेले हे एक बेट अद्भूत निसर्गसौंदर्याने नटलेले आहे. या बेटाचे वैशिष्ट्य म्हणजे आकारमानाने अगदी छोट्या असलेल्या या बेटाला स्वतंत्र देशाचा दर्जा मिळाला आहे. हवाई आणि ऑस्ट्रिया यांच्या दरम्यान हा देश वसलेला आहे.
टुवलू हा छोटासा देश पर्यटनासाठी एक उत्कृष्ट ठिकाण असतानाही बहुतांश पर्यटकांचे याकडे दुर्लक्षच होत आले आहे. आजच्या काळात जगभरातील पर्यटनस्थळांची यादी देणाऱ्या वेबसाईटची चलती असतानाही या बेटावर वर्षातून फक्त दोन हजार पर्यटकच भेट देतात. यावरूनच हे बेट किती दुर्लक्षित राहिले आहे याची कल्पना येईल.
