डार्विन आणि इतर वैज्ञानिकांच्या मते माणूस हा आफ्रिकेतून निघून संपूर्ण जगात पसरला. हा माणूस म्हणजे शास्त्रीय भाषेत ‘होमोसेपियन’. आजवर एवढी माहिती आपल्याजवळ होती, पण आता नवीन संशोधनामुळे हे समजलं आहे की तो माणूस आफ्रिकेच्या नेमक्या कोणत्या भागातून बाहेर पडला. हे ठिकाण म्हणजे आजचा बोट्स्वाना देश.
पूर्ण उत्क्रांत झालेला माणूस म्हणजे होमोसेपियन हा तब्बल २ लाख वर्षापूर्वी बोट्स्वानातील झाम्बेझी नदीच्या काठावर राहायचा हे संशोधनात आढळलं आहे. होमोसेपियन या ठिकाणी जवळजवळ ७०,००० वर्ष राहिले असं म्हटलं जात आहे.
