रस्त्यावर थुंकू नये, रस्त्यावर कचरा टाकू नये, सिग्नल लाल झाला की गाडी थांबवावी, रेल्वेतून विनातिकीट प्रवास करू नये, वगैरे वगैरे. हे नियम व कायदे जगभरात एकसारखेच आहेत. पण काही देशांमध्ये असे काही कायदे आणि नियम आहेत जे इतर कुठेच पाहायला मिळत नाहीत. त्यापैकीच एक आहे ‘फूड लॉ’ !!
राव, खाद्यपदार्थांच्या बाबतीत जगभरात विचित्र नियम आणि समजुती आहेत. आता हेच बघा ना, कॅलिफोर्नियामध्ये बाथटबमध्ये बसून संत्री खाणं बेकायदेशीर आहे, तर एल साल्वाडोर भागात पिऊन गाडी चालवणाऱ्यावर सरळ गोळीबार करण्यात येतो. हे तर काहीच नाही, फ्लोरिडा भागात काट्याने चिकन खाल्ल्यास चक्क तुरुंगाची हवा खावी लागते.
असेही कायदे आहेत? विश्वास बसत नाही ना? आज आपण अशाच अतरंगी आणि विचित्र कायद्यांबद्दल बोलणार आहोत. चला तर पाहूयात!!
