सहज रस्त्याने येता जाता तुमचे कधी लक्ष गेले आहे का, झाडांवर कधी जाहिराती किंवा कधी बॅनर लावलेले दिसतात. झाडाच्या मोठ्या खोडावर बऱ्याचदा वरपासून जाहिरातींचे कागद लावलेले असतात. साधारण शाळांच्या जवळपास झाड असेल तर त्यावर निरनिराळ्या क्लासेसच्या जाहिराती दिसतात. जवळपास व्यायामशाळा असेल तर तिथल्या झाडावर जिमच्या ऑफरबद्दल माहिती असते.
घरगुती पोळी-भाजी डबे, घरबसल्या दहा हजार कमवा, कॉल सेन्टर, पाळणाघरे, दोन दिवसांत इंग्लिश बोला, कुठल्याश्या दुर्धर आजारावरच्या जालीम उपायासाठी संपर्क करा, अशा एक ना अनेक जाहिराती आपण वाचल्याच असतील. अनेकदा दोन शेजारच्या झाडांच्या खोडावर मोठे बॅनर ही लावलेले दिसतात. आपण जाहिरात वाचून विसरून जातो किंवा सोडून देतो. पण कधी विचार केलाय का हे त्या झाडांसाठी किती घातक असेल...
