आजकालच्या डिजिटल युगात फोटो प्रिंट करून अल्बम बनवणे मागे पडले आहे. सगळ्यांच्या हातात स्मार्टफोन आल्याने फोटो किती काढावेत याला गणतीच नाही. त्यामुळे जुने फोटो साठवायचे कुठे हा प्रश्न पडू लागला. दरवेळेला लॅपटॉप किंवा कॉम्पुटर वर फोटो सेव्ह होतातच असे नाही. हेच पाहून गुगलने क्लाऊड स्टोरेज म्हणजे ऑनलाईन डेटा स्टोरेज कल्पना आणली. गुगल फोटोद्वारे मोबाईलवरचे सगळे फोटो आणि व्हिडीओ ऑटोमॅटिक सेव्ह होऊ लागले. काम सोपे झाले. परंतु कोणतीही सर्विस किती काळ मोफत राहील?
गुगल १ जून २०२१ पासून गुगल फोटोज ही मोफत सेवा बंद करत असून आता फोटो साठवायला पैसे मोजावे लागणार आहेत. युझर्सना याबाबत माहिती देणारे मेलही येऊ लागले आहेत. या संदर्भात अनेक प्रश्न असतील तर याची संपूर्ण माहिती या लेखांमधून घेऊयात.
