गेले पूर्ण वर्षभर सगळेजण घरात बसून होते. कोणाला भेटायची किंवा कुठेही जायची सोय नव्हती. अशा वेळी सगळ्यांनी काय केले असेल? वर्क फ्रॉम होम चालू असतानाच अनेक प्रयोग करण्यात आले. यातले जास्तीत जास्त प्रयोग स्वयंपाकघरात झाले. जिभेचे चोचले पुरवण्यासाठी नवनवीन पदार्थ बनवणे, त्याचे फोटो सोशल मिडीयावर शेयर करणे आणि खाणे. हा सर्वात मोठा ट्रेंड चालू होता. त्यातला कुकर केक आणि डाल्गोना कॉफीचा ट्रेंड कोण विसरू शकेल? घरोघरी हे पदार्थ बनवले गेले आणि सोशल मिडीयावर त्याचीच चर्चा होती.
हे झाले सहज सोपे पदार्थ! पण काहींना विचित्र पदार्थ एकत्र करून नवा पदार्थ बनवायची खूप हौस असते. म्हणजे च्यवनप्राश आईस्क्रीम, न्युटेला बिर्याणी हे विचित्र कॉम्बो फूड ही खूप व्हायरल झाले. असाच एक फूड ट्रेंड सध्या खूप चालतोय. तो म्हणजे तळलेले पाणी. होय! बरोबर वाचलेत, Deep-Fry Water.
